廖文毅祖厝與西螺教堂

杜謙遜 juju6835@ms38.hinet.net

(作者為台灣基督長老教會西螺教會牧師)

 咱若無夠努力,大概後擺來西螺,只有 chhun 西螺教堂,廖文毅家族有百外冬久有歷史 kap 文化保存價值 ê 「大承墓園」也無 看了!

 真歡喜知 iá° 台語羅馬字 (編加註) 漸漸得著重新接納 kap 重視,這是社會進步 ê 好代誌。

 當然,咱愛 koh 努力 êiáu 真長, chóng-s„ 有起步就有前途。

 最近 tú-hó 整理好「前台灣共和國臨時政府大統領」廖文毅博士 ê 家族史,然後就 tú-tiõh 西螺鎮公所通知廖家愛 khioh 骨遷葬廖家先人收回墓地 ê 代誌。 Sîn-tiõh 這項 khang-khòe 應該背後有上帝好 ê 意思,若無 ná ë chiah tú-hó 。 這項代誌也 ¢g-bäng 咱台語文界的先進 tãk-ketàu sa°-käng ,出聲贊援,也請將 chit ê 新聞消息繼續傳送出去。

 廖文毅 ê 祖厝 t„-le 西螺,用三冬 ê 時間禮聘鹿港師傅起造 ê ,大約 t„ 1925 年 (大正 14 年) 完成。真可惜,這間 人叫做是西螺 ê 「小總統府」真 súi ê 西洋式樓仔厝, t„ 廖文毅死了後也 kòng 掉,成做地方 ê 遺憾!當時這間 súi 厝的二樓正面有用 âng-m£g-th² 黏出 LIÄU SÊNG-PHI ,用 i ê 厝主「廖承丕」白話字 (台語羅馬字) 做厝 ê 名堂。

 廖承丕就是廖文毅 ê 老父。廖承丕 (1871-1939) 當時是台南州數一數二 ê 大地主, 1916 年擔任西螺區長,也是西螺長老教會 ê 長老,伊只 bat 漢字 kap 羅馬字。當時廖文毅將祖厝號名「大承堂」,廖承丕用家己 ê 台語名做堂號,確實是 kap lâng chin bô käng 。到今仔日,你若來西螺 chhit-thô ,延平老家 ê 古厝,注意看 iáu chhöe ë 出一、二間厝 ê 厝名是用台語羅馬字寫 êche kap 廖文毅 ê 老父應該有絕對關係。廖文毅  ê 老母陳明鏡 (1875-1966) ,伊是台灣第一間女子學校,就是 chím-á ê 台南市長榮女中第一屆的畢業生。上早,長榮女學 ê 課本攏是用白話字 (台語羅馬字) 寫 ê 。聽講陳明鏡 t„ 90 歲 ê 時, bat 受長女邀請 t¡g 去參加校慶,閣受邀請讀白話字聖經 全校 ê 師生聽。

 另外, t„ 延平路西螺文昌國小對面 ê 西螺基督長老教會,土地是廖文毅 ê 老父奉獻 ê 。教堂 kap 牧師館是廖文毅細漢小弟廖溫進設計 kap 獻建 ê 。禮拜堂 t„ 1951 年完成,建築風格屬 t„ 西螺延平老街後期 ê 建築物,正面簡單 koh súi 。禮拜堂 ê 頭前後壁也是用 âng-m£g-th² liãp 台語羅馬字 KI-TOK KÀU-HÖE ,標明 chit 棟禮拜堂就是「基督教會」。若來西螺會 tàng 歡迎入來教會 kiâ°-kiâ° khòa°-khòa° leh

 西螺 kap 廖文毅家族有關係 ê 物件,只有 chhun 命運未卜的「大承墓園」,以及有 teh 修建 ê 西螺教堂。咱若無夠努力,大概後擺來西螺,只有 chhun 西螺教堂,廖文毅家族有百外冬久有歷史 kap 文化保存價值 ê 「大承墓園」也無 看了!

 Chit ê 代誌真緊急,到 9 月 12 日若無定案,就真 phái° 閣有甚麼作為!!

(2003/6/19)

編加註/林文華


海洋台灣